اهلا بيك اخى العزيز
نصلى ان يستخدم الرب هذا المنتدى لمجده ولبركة حياتك
نرحب بك عضو فى المنتدى معنا فرجاء التسجيل


الموضوعات والدراسات الكتابية والروحية التى تقدم بكنيسة الايمان بمنهرى وموضوعات اخرى
 
الرئيسيةالتسجيلاليوميةمكتبة الصورس .و .جبحـثالأعضاءالمجموعاتدخول
القس هانى كرم راعى الكنيسة

المواضيع الأخيرة
» دراسة رسالة افسس ـ المقدمة
الثلاثاء 8 يناير 2013 - 10:34 من طرف القس هانى كرم

» شخصية يوشيا
الخميس 22 نوفمبر 2012 - 13:40 من طرف القس هانى كرم

» مسابقة فى سفر صموئيل الثانى
السبت 20 أكتوبر 2012 - 6:45 من طرف د عجايبى لطفى

» كيف نطور اجتماع الشباب
الخميس 23 أغسطس 2012 - 8:07 من طرف القس هانى كرم

» مسابقة فى سفر صموئيل الاول
الجمعة 17 أغسطس 2012 - 15:35 من طرف القس هانى كرم

» تابع رموز الروح القدس
الأربعاء 15 أغسطس 2012 - 16:22 من طرف القس هانى كرم

» حجمه صغير...أثره رهيب
الأربعاء 8 أغسطس 2012 - 4:02 من طرف القس هانى كرم

» ساعة لقلبك وساعة لربك
الأربعاء 8 أغسطس 2012 - 3:56 من طرف القس هانى كرم

» مسابقة في سفر راعوث
الثلاثاء 7 أغسطس 2012 - 15:56 من طرف القس هانى كرم

» رموز الروح القدس( اولا الزيت )
الثلاثاء 7 أغسطس 2012 - 5:59 من طرف القس هانى كرم

عدد زوار المنتدى

.: عدد زوار المنتدى :.

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني

شاطر | 
 

 مسرحية بابا نويل والاولاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القس هانى كرم
Admin
avatar

عدد المساهمات : 360
تاريخ التسجيل : 11/04/2011
الموقع : المنتدى الرسمى لكنيسة الايمان بمنهرى

مُساهمةموضوع: مسرحية بابا نويل والاولاد   السبت 9 يوليو 2011 - 7:58

مينا.... ازيك انت عامل ايه النهارده؟
انا كويس .... بس انتي مالك فرحانه ليه؟
فرحانه ليه؟؟؟.... ايه انت مش عارف النهارده ايه؟
النهارده.... بس هو اليوم ده يفرح اوي
اكيد اليوم ده يفرح جدا
في ايه؟؟ انا مش فاهم حاجه يا ماريانا
طيب يا مينا ... بص بص انت تروح تغير ورقة النتيجه... شوف النهارده ايه

حاضر....ايه ده ده النتيجه ماعدش فيها الا ورقه واحده....النهارده 31 ديسمبر
النهارده اخر يوم في السنه.....اه فهمتك النهارده راس السنه............هيييييييييييييييييييييييه النهارده راس السنه...

عرفت انا ليه فرحانه يا مينا......
اه طبعا مانا عارف من الاول.... بس كنت بختبرك...بصي بقي احنا هنجيب لبس جديد..انا هاجيب بنطلون جينز حلو و تيشرت و كوتشي

وانا كمان ....هاجيب فستان حلو ...بس الحاجات دي هتاخد فلوس كتير....
ايوه ايوه مانا عارف الكلام ده....بس انا محوش فلوس ...هو انا صغير انا معايا فلوس كتير

بجد و انا كمان بص انا هاروح اجيب فلوسي
(يخرج الاثنان) و يرجعا بالنقود
ها وريني بقي معاكي كام يا مريانا
ادي 2 3 4 5 5 جنيه و نص
ايه ده قليلين اوي بصي انا معايا ادي ربع نص جنيه 2 2 جنيه و ربع

ههههه مش مشكله ماما هتكملنا يالا نروح نقولها
(تدخل الأم)
تقوليلي ايه يا ولاد

بكره راس السنه يا ماما انتي مش عارفه و لا ايه
اه كل سنه و انتم طيبين ... ( تكح)
انتي بتكحي ليه يا ماما.... سلامتك... هو مش الدكتور كتبلك دوا.....
ايوه الدكتور كتبلي الدوا بس انا ما جبتوش
ماجبتيش الدوا ...ليه يا ماما ده الدكتور كاتبهولك من اسبوع
اصل يا مينا الدوا ده غالي اوي ....و الفلوس اللي ويايا ما كملتش...( تكح) فمعرفتش اجيب الدوا
سلامتك يا ماما ما تخافيش انتي ادخلي استريحي...و احنا هنصليلك و بابا يسوع هيكون وياكي
(تخرج الأم)

انا زعلان اوي ....ماما عيانه و مش هتقضي معانا راس السنه و مش هتروح الكنيسه
الدوا غالي عليها اوي....و الفلوس اللي معاها ماكملتش....احنا لازم نحط الفلوس اللي معانا دي علي فلوسها و نكمل و نجيبلها الدوا

الفلوس...اه طبعا لازم نكمل....انا كنت لسه هاقول كده...خدي خدي انا مش عايز حاجه
طيب احنا ناخد الروشته و نحط فلوسنا علي فلوس ماما و نروح الصيدليه
يالا بينا
(ستار)

يفتح الستار علي الام و هي مريضه و يدخل الاولاد بالدواء

ايه كنتوا فين يا ولاد؟
كنا بنجيبلك الدوا يا ماما000 خدي بابا يسوع يشفيكي
و جبتوا الفلوس منين...انا مكانش معايا يكمل
احنا كان معانا فلوس محوشنها كملنا علي فلوسك و جبنا الدوا
ايوه يا ماما احنا كنا هنجيب بالفلوس دي هدوم راس السنه عشان نروح ....بس انتي يا ماما اهم عندنا..بابا يسوع يشفيكي
آمين...انا متشكره اوي يا حبايبي ..و ماتخافوش بابا يسوع مش هينسانا...
يالا يا مينا عشان نسيب ماما تستريح
انا كنت هاقول كده برده
(يخرج الأثنان و تبقي الام تصلي ثم ستار)

طب الوقتي هنروح الكنيسه ازاي و احنا مش عندنا هدوم جديده
عادي يا مينا هو احنا بنروح عشان احنا لابسين جديد و لا بنروح عشان بنحب بابا يسوع...احنا هنروح عادي
يعني ماما ما كانتش تبقي سليمه و كنا نجيب هدوم... بس عارفه انا برده فرحان و عارف ان بابا يسوع مبسوط و بيحبنا و مش هينسانا
صح يا مينا .. اكيد ربنا هيكافئنا بس انا مش عارفه ازاي....
(ينام الاثنان علي الارض و يتردد سؤال يا تري ازاي)
(و يدخل بابا نويل ويضع بجوارهم كيس الهدايا)

ايه ده انت سمعت حاجه يا مينا
لاء ما سمعتش .... ايه اللي حصل
(تنهض) مش عارفه ايه ده اوم شوف يا مينا
اه انا مش قولتلك في حاجه ايه الكيس ده يا تري فيه ايه تعالي نشوف
الله ده بنطلون جينز و كوتشي و تيشرت الحاجات اللي كنت عايزها

و انا كمان لاقيت فستان .. الله ده فستان جميل ....يا تري مين اللي جابهولنا... مش قولتلك بابا يسوع مش هيسيبنا.
اه بس مين اللي جابهولنا؟( في اثناء كلام مينا تلتفت ماريان فتري بابا نويل فتسكت بينما يظل مينا يتكلم)..بس دي هدوم حلوه اه لو اعرف مين اللي جابها يا ماريان انتي ما بترديش علي ليه

عشان عرفت مين اللي جابها
بجد؟
اه ...بص بابا نويل اهوه ...بجد صح هو بابا نويل اللي جابلنا الحاجات دي اانا كنت عارف كده م الاول ...ازيك يا بابانويل

كل سنه و انتم طيبين يا ولاد
و انت طيب يا بابا نويل
شكرا يا بابا نويل انك جبتلنا هدايا
ههههه العفو يا ولاد انتوا تستاهلوها عشان ساعدتوا مامتكم و جبتوا بفلوسكم ليها دوا بدل ما تجيبوا لكم لبس... فبابا يسوع بعتني و قالي اجيب لكم الحاجات دي

ياااااااه انا بحب بابا يسوع اوي و بحبك كمان
مش تحكيلنا بقي علي حكايتك و لبسك ده

انتوا عايزين تعرفوا انا مين
طبعا
احكيلنا حكايتك
( يتوجه للجمهور بينما تغلق الستار ليتبقي هو و الجمهور الاطفال)
انا...................................................

الرجوع الى أعلى الصفحة اذهب الى الأسفل
http://faith.afdalmontada.net
 
مسرحية بابا نويل والاولاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى المنوعات والميديا المسيحية :: مسرحيات مسيحية مكتوبه-
انتقل الى: