اهلا بيك اخى العزيز
نصلى ان يستخدم الرب هذا المنتدى لمجده ولبركة حياتك
نرحب بك عضو فى المنتدى معنا فرجاء التسجيل


الموضوعات والدراسات الكتابية والروحية التى تقدم بكنيسة الايمان بمنهرى وموضوعات اخرى
 
الرئيسيةالتسجيلاليوميةمكتبة الصورس .و .جبحـثالأعضاءالمجموعاتدخول
القس هانى كرم راعى الكنيسة

المواضيع الأخيرة
» دراسة رسالة افسس ـ المقدمة
الثلاثاء 8 يناير 2013 - 10:34 من طرف القس هانى كرم

» شخصية يوشيا
الخميس 22 نوفمبر 2012 - 13:40 من طرف القس هانى كرم

» مسابقة فى سفر صموئيل الثانى
السبت 20 أكتوبر 2012 - 6:45 من طرف د عجايبى لطفى

» كيف نطور اجتماع الشباب
الخميس 23 أغسطس 2012 - 8:07 من طرف القس هانى كرم

» مسابقة فى سفر صموئيل الاول
الجمعة 17 أغسطس 2012 - 15:35 من طرف القس هانى كرم

» تابع رموز الروح القدس
الأربعاء 15 أغسطس 2012 - 16:22 من طرف القس هانى كرم

» حجمه صغير...أثره رهيب
الأربعاء 8 أغسطس 2012 - 4:02 من طرف القس هانى كرم

» ساعة لقلبك وساعة لربك
الأربعاء 8 أغسطس 2012 - 3:56 من طرف القس هانى كرم

» مسابقة في سفر راعوث
الثلاثاء 7 أغسطس 2012 - 15:56 من طرف القس هانى كرم

» رموز الروح القدس( اولا الزيت )
الثلاثاء 7 أغسطس 2012 - 5:59 من طرف القس هانى كرم

عدد زوار المنتدى

.: عدد زوار المنتدى :.

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني

شاطر | 
 

  مسرحيه اعدام برى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القس هانى كرم
Admin
avatar

عدد المساهمات : 360
تاريخ التسجيل : 11/04/2011
الموقع : المنتدى الرسمى لكنيسة الايمان بمنهرى

مُساهمةموضوع: مسرحيه اعدام برى   السبت 9 يوليو 2011 - 7:53

مسرحيه اعدام برى

الاشخاص:-

1- رامز (القاتل)
2- كريم (القتيل )
3- القس مينا عزت
4- الاستاذ ماجد عزت
5- ضابط الشرطه ورئيس النيابه فى المحكمه
6- العسكرى خلفاوى
7- قاضى الجلسه
8- اثنان قضاه مساعدين



المشهد الاول
كريم ورامز اصحاب فى المعهد وجيران فى السكن وتبدا الحكايه فى احد ايام الاعياد ليلا وهم راجعين من السينما ويحملون فى ايديهم زجاجات الخمره ومسطولين على الاخر

رامز :انما كان حته فيلم جامد اوى معان انا نمت من نص الفيلم لحد مانت صحتنى وقلتلى ان الفيلم خلص بس باين عليه كان فيلم جامد اوى ياريت نروحه تانى

كريم :اه ياريت عارف احلا حته فيه لما البطل جت الوحوش علشان تاكله من ضهره قام لف بسرعه وخلص عليهم بس مش عارف ليه كل الناس فى الفيلم ماتوا وفضل يمثل لوحده لاخر الفيلم

رامز : هو احنا وصلنا الشارع بتاعنا ولا لسه انا مش شايف اى حاجه من اللى انا شربته ده الظاهر عليه نوع مغشوش ولا ايه

كريم: مغشوش ايه هو النوع بتاع كل مره انت اللى دماغك خفيفه وكل مره تعمل كده وانا اللى اشيلك واوديك البيت مدام انت مش اد الشرب بتشرب ليه

رامز : بقى انا برده يا بنى انا لو شربت البحر كله ماشبعش ولا ياثر فيا انا جامد

كريم : طيب يا جامد احنا دخلنا الشارع بتاعنا اهو اهو فيه يافته مكتوب عليها رزق ميخائيل يبقى ده الشارع بتاعنا
رامز : الحمد لله وصلنا الشارع يارب نعرف نوصل البيت بقى هو انا البيت رقم كام يا كيمو

كريم :مش فاكر متهيئلى يا 67 او 76 مش عارف بس انت جمبى على العموم

رامز :طيب لما نوصل ابقى رن الجرس علشان انا مش جوه

كريم : ايه دا بص كده يا رامز ايه ده اللى مرمى على الارض دى باين عليها شنطه سامسونيت تعالا نشوف فيها ايه

رامز : يعنى هيكون فيها ايه يعنى تلاقى شويه كتب وانا مش جايب نضارة القرايه دوقتى

كريم :تعالا بس نشوف اهى................................ايه دا انا باين عليا اتسطلت زيك دى دولارات كتير اوى دول يجوا مليون وزياده اخيرا هجيب العربيه اللى كان نفسى فيها والفيلا اللى على النيل

رامز : حيلك حيلك عربيه وفيلا انت فاكر انك هتاخد الفلوس دى انا اللى هاخدها دى ادام بيتى انا

كريم : بيتك ايه يابو بيت سيب الشنطه يا رامز احسنلك احسن مايعديش كويس انا اللى لاقتها

رامز : طيب ورينى هتعمل ايه انا يانت النهارده

كريم : يزوء رامز بقوه فيقع على الارض وتقع شنطه الفلوس فياخدها كريم ويمشى

رامز : يغضب ويحمل حجر كبير من الارض ويضرب كريم على راسه فيسقط قتيلا . رامز ياخد شنطه الفلوس ويهرب سريعا

الاستاذ ماجد عزت يسكن فى نفس الشارع قادم من العمل ليلا فيرى شخص ملقى على الارض

ماجد عزت :ايه ده مين ده وليه نايم كده لما اروح اشوف ماله انت يا ......ايه الدم ده ......دا ميت ميت انا لازم امشى بسرعه احسن حد يشوفنى ويتهمونى انا بقتله
ويمشى سريعا ولكن تقع منه البطاقه دون ان يلاحظ

المشهد الثانى
رامز يشعر بخطاه فيذهب للاعتراف لدى القس مينا عزت

رامز : ازى قدسك يا بونا

ابونا: ازيك يابنى عامل ايه ايه اخبارك انت بقالك كتير اوى مش بتيجى تعترف ومش بشوفك فى الكنيسه

رامز : انا يا بونا جى النهارده علشان انا تعبان اوى ومش قادر استحمل اللغلط اللى انا عملته

ابونا : خير يابنى مالك تعبان من ايه الرب يسوع يكون معاك ما يكون عليك

رامز : اه يا بويا انا عملت حاجه وحشه اوى انا مستحقش رحمة ربنا عليا

ابونا : احكيلى يابنى وربنا يادرنى انى اساعدك

رامز : انا يابونا كنت راجع بالليل انا وصحبى اعز صاحب ليا كريم بس للاسف كنا شاربين طينه وفجاه لقينا شنطه مليانه فلوس قمنا طمعنا فيها وكريم زقنى فالشيطان ضحك عليا قمت مسكت الحجر وضربته على دماغه قام وقع على الارض ومات انا مش عارف عملت كده ازاى ومن سا عتها وانا تعبان يا بويا ومش عارف اعمل ايه

ابونا : بقى كده يا رامز تموت اعز اصحابك كريم دا اللى ربنا يسوع علمهولنا

رامز : سامحنى يا بويا وقولى اعمل ايه انا مش عارف افكر

ابونا : انت لازم تروح تسلم نفسك للشرطه علشان مفيش حد مظلوم يتحمل اللى انت عملته ده

رامز : لا يا بونا انت عايزهم يعدمونى انا مش هقدر اعمل كده لا انا مش هسلم نفسى ويمشى من امام ابونا مسرعا

فى نفس الوقت ياتى اخو ابونا مينا عزت وهو الاستاذ ماجد عزت لياخذ راى اخيه فى الجريمه التى راها

ماجد :مساء الخير يا بونا ازى قدسك عامل ايه

ابونا : ازيك يا ماجد عامل ايه بقالك كتير مش بتيجى تسلم عليا هو احنا مش اخوات ولا ايه

ماجد : انا اسف يا بونا بس انا عارف اد ايه انت مشغول ربنا يقويك بيبقى عندك قداس وتناول واعتراف وزياره مرضى وافتقاد وحاجات كتير وانا مش بحب اعطلك

ابونا : مالك يا ماجد شكلك مهموم كده ومش مبسوط ليه حصل حاجه الولاد كويسين فى مشكله قدامك

ماجد : مشكله دى مش بس مشكله يا بونا دى حاجه صعبه اوى انا محطوط فيها ومش عارف اعمل ايه

ابونا : خير احكى يا ماجد واكيد ربنا هيرشدنا اننا نحل المشكله دى
ماجد :الحكايه انى امبارح بالليل كنت مروح بيتنا راجع من الشغل وفجاه شفت واحد مرمى على الارض قلت لما اروح اشوف ماله وبعدين بقلب فيه لاقيته مقتول فخفت وسيبته ومشيت بسرعه وانا مش عارف اعمل ايه هل اروح ابلغ على اللى انا شفته ولا اسكت وماتكلمش

ابونا : هو انت شفت القاتل اللى عمل الجريمه البشعه دى

ماجد : لا للاسف انا ماشفتش اى حد خالص وكمان الدنيا كانت ضلمه اوى انا مش متخيل ازاى فى حد تهون عليه ان يقتل انسان زيه بالقسوة دى

ابونا : فعلا يا ماجد الشيطان بقى يخلينا نقع فى خطايا صعبه اوى علشان يقطع كل الخيوط اللى بينا وبين رب المجد يسوع

ماجد : وانا مش عارف اتصرف ازاى قلت اجى لاخويا وابويا علشان اخد بنصيحتك اعمل ايه

ابونا : اللى تعمله دوقتى انك تروح قسم الشرطه وتقول على اللى انت شفته بالظبط علشان ممكن شهادتك دى تحمى واحد برى او مظلوم

ماجد : على كلمتك يا ابويا انا هروح حالا القسم واعمل محضر واقول كل اللى انا شفته بالظبط

ابونا : روح يا ماجد ياا خويا ربنا يكون معاك لا يكون عليك

المشهد الثالث
يذهب استاذ ماجد للقسم ليدلى بما راه وداخل القسم يرى خلفاوى العسكرى وضابط الشرطه
ماجد : لو سمحت انا جى اقدم بلاغ ممكن تدلنى اروح فين

العسكرى خلفاوى : هاه وهو ايه البلاغ ده طبعا جى تقولى ان المحفظه اللى فيها 5 جنيه اتسرقت منك فى الاتوبيس والحاجات الخيبه بتاعتكوا

ماجد : من فضلك انا جى عندى بلاغ مهم وكنت عايز اقابل الباشا الضابط

خلفاوى :جناب الباشا الضابط بحاله هو انت فاكر نفسك مين هو الباشا فضيلك يا فندى الباشا مشغول انت ماسمعتش عن جريمق القتل اللى حصلت امبارح دى الدنيا مقلوبه

ماجد : دخلنى بس ليه لو سمحت انا عندى بلاغ مهم

خلفاوى : انا هدخلك بس انت حر بقى احسن جناب الباشا الضابط مابيتفهمش وخلقه ضيق اوى ادخل يا سيدى

ماجد : مساء الخير يا فندم انا ماجد عزت و.................

الضابط :اه اه طيب اقعد يا خلفاوى وعسكرى انت يا بنى ادم

خلفاوى : تمام يا باشا لقينا البطاقه دى جمب القتيل طيب هتها وروح انت

الضابط : ها يا سيدى عايز ايه ايه الحاجه المهمه اللى انت عايز تقولهالى

ماجد : يا فندم انا جى اكلم فى جريمة القتل اللى حصلت امبارح

الضابط : جريمه القتل اه اهلا وسهلا ها بقى شفت ايه ولا استنى انت قلت اسمك ايه

ماجد : انا اسمى ماجد عزت

الضابط : ماجد عزت انا شفت الاسم ده فين طيب ممكن البطاقه بتاعتك

ماجد : يدور على البطاقه بس مش يلاقيها الظاهر يا فندم انى نستها فى البيت ممكن اروح اجيبها واجى

الضابط : البطاقه ايوه انت اسمك فى البطاقه لا متتعبش نفسك يا مجرم لانك مش هتلاقيها لانها اهى معايا لاقوها جمب القتيل بقى عايز تمشى عايز تهرب هاهاهاهاه احكى لى بقى ازاى عملت كده وانا اوعدك انى هقدر ظروفك وهنخفف الحكم عنك

ماجد : انا مش فاهم انت قصدك ايه وازاى البطاقه بتاعتى جت هنا انا كل اللى حصل انى شفت واحد مرمى على الارض ولما قربت منه لاقيته مقتول قمت جيت علشان ابلغ باللى شفته

الضابط: يا سلام بالبساطه دى طيب والبطاقه دى ومابلغتش امبارح ليه ولا ضميرك ماصحيش الا النهارده اظاهر انك ماتعرفنيش انا بقى هخليك تتكلم وتعترف يا مجرم ويضربه بالقلم على وشه
وينادى على خلفاوى يا عسكرى خد المذنب ده روقوه وارموه فى الحجز لما يبانله اصحاب او يعترف

خلفاوى : تمام يا باشا امشى قدامى يا مجرم يا معتدى الاجرام مش قلتلك ماتتدخلش انت اللى عملت فيها هركليز طيب استحمل بقى اللى هيحصلك

المشهد الرابع

ابونا يزور اخوه فى الحجز ليقويه ويزكره ان الرب يسوع لا ينسى اولاده المظلومين ابدا

ابونا : ماجد اخويا عامل ايه انا جى اطمن عليك ياترى بتاكل وبتشرب ولا ايه احوالك

ماجد : انا اتهنت واضربت وكل ده علشان سمعت كلامك يا بويا انا قلت لك خلينا بعيد عن المشاكل

ابونا : انت شكلك تعبان اوى بس اجمد اكيد ربنا مش هيسيبك كده واكيد هتظهر الحقيقه وبكره تقول اخويا القس مينا قال دا الرب يسوع كبير كبير اوى وحنين اوى

ابونا وهو يبكى : يقول فى نفسه انا حاسس يا خويا بكل اللالم اللى انت حاسس بيها الم الاهانه والضرب والم الظلم وانك برى ماعملتش حاجه وانا اخوك اللى ممكن بايدى اشيل عنك الحمل ده لانى عارف مين اللى قتل مش قادر اعمل حاجه سامحنى يا بويا لان دى اسرار الاعتراف وانا ماجرئش انى اطلعها بره ارجوك ماتزعلش منى بس انا متاكد ان ربنا مش هيسيبك روح يا ماجد ربنا يكون معاك مايكنش عليك

ماجد : يا بويا انت تعبت نفسك ليه انت مشغول بخدمتك انا بخير واكيد ربنا مش هيسبنى

ابونا :اد ايه ايمانك حلو يا ماجد ماتقلش كده انا اخوك واب الاعتراف بتاعك ولازم اكون معاك فى وقت ضعفك وشدتك

ماجد : بس لو انا اعرف مين اللى قتل انما انا ماشفتش حد وماحبش اظلم حد برى

ابونا :ماتقلقش اكيد ربنا مش هيسمح انك تتعاقب مكان واحد تانى لان ربنا هو الديان العادل ودوقتى تعالا نقرا جزء من الانجيل علشان ربنا يدبر حياتنا

المشهد الخامس
المحكمه وهى عبار عن سجن موضوع فيه ماجد ورئيس النيابه وثلاث قضاه وبوجود القس مينا عزت
خلفاوى : وقوف محكمه

القاضى :اندا يا بنى على القضيه الاولى

خلفاوى:قضيه رقم 22 جنايات لسنه 1995

القاضى : قضيه رقم 22 بخصوص مقتل السيد كريم سمير والمتهم فى القضيه ماجد عزت وبحضور كل من الدفاع والنيابه فاتتفضل النيابه بمرافعتها

الضابط: سيدى الرئيس حضرات المستشارين نحن اليوم بسدد جريمه من افظع الجرائم التى تحدث فى مجتمعنا هذا الا وهى جريمة قتل بل انها ايضا مع سبق الاصرار والترصد ولذلك فان اطلب بسدد القانون رقم 456لسنه 1970 بتوقيع اقصى عقوبه على المتهم ماجد عزت ليكون عبره امام الجميع ولا يجب ان ناخذ به شفقه ولا رحمه وانا اطالب باقصى عقوبه وهى الاعدام شنقا سيدى الرئيس وشكرا

القاضى :وبعد سماع النيابه والدفاع فان اصدار الحكم بعد المداوله

ابونا جمب قفص الاتهام يواسى اخيه

ابونا:انا مش عارف اقولك ايه يا ماجد بس انا متاكد ان ربنا موجود دلوقتى معانا وهيتمجد معاك

ماجد : انا مش خايف يا بويا واللى رايده ربنا هيكون بس اهم حاجه خلى بالك من ولادى دول مالهمش حد غيرك

ابونا : ماتقلش كده انت هتخرج لهم من تانى وانت اللى هتربيهم

خلفاوى : محكمه

القاضى : حكمت المحكمه حضوريا على المتهم ماجد عزت والمتهم بقتل السيد كريم سمير بالاعدام شنقا

ماجد:لا لااااااااااااااااااااااااااااااااااااااااااااااااااااااا انا برى انا ماقتلتش حد انا برى انا برىىىىىىىىىىىىىىى

المشهد الاخير
الاعدام والحبل نازل من سقف المسرح

اتنين عساكر يحملون ماجد الذى لايستطيع ان يمشى على قدميه ثم يلبسوه الغمامه السوداء ثم يلبسوا الحبل الملفوف حول عنقه مع بكاء اخيه القس مينا وصلواته له ومع ميوزيك حزين وفجاه يظهر
رامز وهو يصرخ ويقول: انا القاتل انا اللى قتلت انا القاتل الحقيقى سامحنى يا بويا وسامحنى يارب


النهايه
الرجوع الى أعلى الصفحة اذهب الى الأسفل
http://faith.afdalmontada.net
 
مسرحيه اعدام برى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى المنوعات والميديا المسيحية :: مسرحيات مسيحية مكتوبه-
انتقل الى: